it is fantastic to have a good life.that is what god sends his angels for,to help us have a good life.tani gamitin natin ang kaalaman sa mabuti at hindi sa masama.5years akong nakatira sa america at twice akong bumalik ng sapian ,capiz nakakalungkot isipin na lahat na greetings card na aking pinadala ni isa ay walang natanggap ang aking mahal na ina.

Sa mga Capiceno ini nga mga blogs, nagahatag sang isa ka daku nga kahigayunan agud kita makig angot sa tagsa-tagsa.

Sa mga pumuluyo diri sa Luzon, labi na guid sa National Capital region, mayayo nga may mga paagi agud aton mahibaluan ang nagakatabo sa aton pungsod labi na gid sa dakbanwa sang Roxas.

Gani sa aton mga pinalanga nga kasimanwa labi na guid ang mga taga pungsod Capiz , ginaagda ko kamo nga mangin bahin sini nga mga blogs agud aton mapaalinton sa aton mga kasimanwa sa aton kaugalingon nga mga tinaga…

Sa mga Dumaraonon, guinatamyaw ko kamo tanan paagi sini nga blog.

Akon nga ginaapabot sa tanan nga ang Dumarao, isa sa mga banwa nga may matahum nga mga pamasyaran labi na gid sa tion sang tingadlaw. Diri nahamtang ang Mt. Tag-ao Forest Park sa Bgy. Tamulalod. Ini nga man-made forest nga gintukod sang 1960. Maayo ini sa mga bakasyunista nga naga pangita sang matawhay kag malinong nga kahimtangan. Ara man dira sa Bgy. Taslan ang Agmamba Falls nga kon sa diin matin-aw ang tubig kag maayo gid paliguan. Karon nga mga inadlaw, nagasaulog ang mga barangay sang mga fiesta. Masadya subong sa Dumarao. Natapos na ang ani sang palay, kag sa masunod nga mga inadlaw, tigtalanum na naman.

Sa mga taga Luzon, madali kamo makaabot sa Dumarao. Magsakay lang sa Cubao Terminal sa Ali Mall, Q.C. May mga bus nga padulong sa Iloilo, ini nagaagi gid sa Dumarao. Sa sulod sang 18 ka oras nga biyahe makaabot kamo sa Dumarao.

Matahom ang Dumarao. Pasyar kamo didto kag makita ninyo ang pag-abi abi sa inyo sang mga pumuluyo didto.

Sa mga kasimanwa ko sa Dumarao, ginatamyaw ko kamo tanan.

Gina pangamuyo ko nga sa palaabuton nga mga inadlaw, mangin mauswagon ang banwa sang Dumarao.

Sa mga kasimanwa ko sa Dumarao, isa ka mainit nga pagtamyaw sa inyo nga tanan. Nagahilapit na naman ang aton nga fiesta. Ka

Sa sini nga nga kahigayunan, akon ginapaabot sa tanan ang akon pangamuyo nga mangin madinalag-on ang mga Dumaraonon.

Kabay pa nga magbuyloganay ang tanan para sa kaayuhan sang banwa. Ako nagapati nga tagsa tagsa may kahigayunan nga mag alagad sa iya banwa. Sa mga taga Dumarao, indi kamo madulaan sang pagsalig sa aton nga mga pinuno. Mag-ugyon ang tanan para sa kaayuhan kag buasdamlag sang aton pinalangga nga banwa sang Dumarao. Sa guihapon, akon tinguhaon nga ini aton gid maaguman paagi sa aton himpit nga pagtuo sa Diyos nga Makaako.

Sa guihapon,

Nonoy Rubrico

Maayong adlaw sa imo mahal namon nga Mayor Rubrico, kabay ang ispirtu sang sang Dios Nagaubay sa aton tanan, sa uras sang pagbasa mo sining akon munting mensahi sa imo. sa akon panan-aw subong, daw dako guidman ang gin improve sang aton banwa, banwa sang Dumarao, ilabi nagid sa Bgy Taslan, dako gid ang akon kalipay subong ky may ara na kita koryente sa Taslan, kag tani ang karsada naman ang aton nga masunod na ayusin kay tama guid ka ka pigado ang aton karsada subong ilabi naguid kay tag-ulan na naman, tani mabuligan mu man ang aton mga kasilingan sa nabangit na lugar, at umaasa ako na lahat ng problema sa ating nayon ay mabigyan na sulusyon, mahal naming Mayor ikaw nalang ang pag asa namin lahat, maraming salamat mabuhay po kayo.!!!!!

Nagahilapit na naman ang tingadlaw kag semana santa. Ini ang tion sang mga reunion kag pag updanay labi na gid ang aton mga kaparyentehanan kag kaabyanan. Sa sini nga kahigayunan nagabuylog ako sa tanan nga mag bisita sa amon banwa sang Dumarao labi na gid sa tion sang kuaresma. Kon may sablag ang pagpanakayon ukon pagbiyahe, ini tungod sang mga dalanon nga karon aton ginapatigayon nga makaayo agud mahapos ang pagbiyahe sang mga tao. Magpamasyar na kamo sa Dumarao..